Obxectivos do servidor / Objetivos del servidor

Este servidor non é un servidor máis do Minecraft. Ten uns obxectivos ben claros que se manterán e serán determinantes á hora de facer modificacións e tomar decisións.

1. Este servidor é un servidor galego. O servidor protexerá a lingua propia de Galicia, que é o galego, polo que todas as notificacións oficiais estarán escritas nesa lingua, e os plugins estarán traducidos ao galego dentro do posible. Non obstante, tamén se ofrecerá a súa tradución ao castelán sempre que sea posible para ampliar o público potencial do servidor. Por suposto, dentro do servidor cada xogador poderá expresarse na lingua que desexe sen ningunha restricción en todo momento.
   
2. O mundo do servidor está deseñado de forma que ofreza unha experiencia o máis aproximada posible ao Survival puro, pero con plugins e engadidos para evitar os abusos característicos do modo multixogador. O mundo está principalmente baseado no plugin Towny, pero algunhas proteccións típicas do Towny están deshabilitadas para facilitar o conflito ingame entre xogadores (por exemplo, os cofres non están protexidos), e os mobs non desaparecen ao entrar nunha vila). En ningún momento se introducirán plugins que proporcionen facilidades ao xogadores, e calquera plugin que axilice tarefas que poidan replicarse máis lentamente a man, non se introducirá baixo ningunha circunstancia. Pola contra, os plugins que dificulten as cousas introducindo problemas realistas propios do mundo real serán ben recibidos. Non obstante, non se descarta a posibilidade de introducir outros mundos adicionais no servidor cunhas normas máis flexibles no futuro (como por exemplo un mundo creativo).
   
3. O servidor ten un custo para manterse operativo. Non se requerirá pagar a ninguén para poder xogar, pero sempre haberá características que só se poderán disfrutar facendo unha pequena donación para manter o servidor (por exemplo, as vilas do Towny). Aparte disto, é posible que no futuro se introduzan modos de pago para ofrecer outro tipo de vantaxes (por exemplo, recibir ouro ou poder entrar en mundos adicionais).
   
4. Os xogadores poden ser sancionados se se aproveitan de bugs e exploits do servidor ou dos plugins para beneficiarse ou para perxudicar a outros xogadores. Tamén se intentan enganar aos moderadores. As trampas realizadas inrol (por exemplo, incumplir promesas a xogadores ou actuar despóticamente nunha vila como alcalde) non incumprirán as regras do servidor, e o seu castigo quedará exclusivamente a cargo dos xogadores.
   

La traducción al castellano se redactará próximamente